#scratcheguna13

 Abendaño eta Ibernalo Ikastoletako Scratchariak, edan ondoren. @otxoluaren argazkia, Flickren

...eta iritsi zen iragarritako eguna... eta ospatu genuen ongi ospatu ere, izerdi patsetan egin ondoren ur hotza edaten den erara: danga-danga eta ase-ase egin arte... eta izerditan diot, Scratch Eguneko protagonistak -Abendaño eta Ibernalo Ikastolak- hamaikatxo aldapa igaro ondoren heldu zirelako Artiumeko gailurrera maiatzaren 18ko goizean, irribarrea aurpegian.

Maldan gora aurkitu zituzten, Scratch programa erabiltzen ikasteko Berritzegunean egindako ikastaroa, lehenengo aldiz Scratch Egunerako izena emateko erabagia, programa gelan lantzeko hain denbora gutxi izatea, asteburu bereko agendan hainbat kirol eta ekintzarekin lehian aritzea, MITek programa eta aplikazioa azken astean aldatzea eta horren ondorioz egindako lanak galtzea, lanak berregin behar izana... baina gora-ta-gora egin zuten, hori baita Scratch eta hezkuntzaren helburuetariko bat: oztopoak gaindituz bideari ekitea... eta Scratch Eguneko iturritik opariak eta sorpresak ezeze, jakinmina, ezaguera berriak, konfidantza, elkartasuna eta adiskideak izuri ziren barra-barra.

Syros, Verona, Bangalore, Sapporo, Moscow, Porto Morumbi, Opolskie, Dakar, Cundinamarca, Andhra Pradesh, Novosibirsk, Changzhou, Saskatchewan... Elburgo, Bilbo, Donostia eta mundu osoko beste 164 herri-hiritan ere antzeko zeozer gertatuko zen elkarrekin ospatu bait genuen Scratch Day azpiko egitarauari jarraituz.

Mendi hegian, iturri ondoan, udaberrian, txoriak besterik ez zitzaizkigun falta... Storify honetan dauzkazue Twitterren #SE13-ri buruz bota zituzten txioak.

Arabarian argitaratua